Zgjedhjet e 25 prillit/ KQZ miraton specifikimet teknike të fletës së votimit

Shqipëria

Zgjedhjet e 25 prillit/ KQZ miraton specifikimet teknike të fletës së votimit

Më: 26 shkurt 2021 Në ora: 18:51
Foto ilustrim

Komisioni Rregullator i KQZ-së ka miratuar elementet teknike të detyrueshme të fletës së votimit për zgjedhjet për Kuvendin e Shqipërisë të datës 25 prill 2021.

Zgjedhësi do të votojë me një fletë votimi me ngjyrë dhe formë të njëjtë për të gjitha zonat zgjedhore dhe sasia e fletëve të votimit është e barabartë me numrin e zgjedhësve, duke i shtuar 2 %.

Letra që do të përdoret për prodhimin e fletës së votimit, përmban disa elemente sigurie. Përveç elementeve të sigurisë së letrës, fleta e votimit do të përmbajë dhe disa elemente teknik në formën e kodeve që identifikojnë numrin serial, zonën zgjedhore dhe qendrën e votimit që nuk lexohen me sy të lirë (barkod). Fletët e votimit prodhohen në blloqe pa kundërfletë.

Kujtojmë që fletët e votimit për zgjedhjet përgatiten nga KQZ-ja.

Shfaq komentet
comments powered by Disqus
Sot mund të lexoni Shfletoni kopertinat