Teksa na ndajnë 27 ditë nga zgjedhjet e 25 prillit, kreu i Partisë Demokratike, Lulzim Basha, ka publikuar një videomesazh në rrjetet sociale.
Basha thotë se disa gjëra janë të pamundura por sipas tij rritja e pagave është e mundur! Hapja e vendeve të reja të punës është e mundur! Krijimi i vendeve të punës është i mundur! Futja në Bashkimin Europian është e mundur! Për të gjitha këto pika pjesë të programit të PD, shqiptarët sipas Bashës duhet te votojnë ndryshimin.
“Besojeni!
Mbylli sytë dhe imagjino. Imagjino sikur Shqipëria fiton Kupën e Botës. Imagjino sikur Dua Lipa të këndonte në dy vjetorin e vajzës tënde. Imagjino Mesin që nënshkruan kontratë me Tironën dhe Kristianon me Partizanin. Hej, ngadalë! Ca gjëra janë të pamundura, por rritja e pagave është e mundur! Hapja e vendeve të reja të punës është e mundur! Krijimi i vendeve të punës është i mundur! Futja në Bashkimin Europian është e mundur! Ta marrim këtë mundësi me të dyja duart dhe të votojmë për ndryshim në 25 prill”, thotë Basha.
