Vendimi në Fletoren Zyrtare, Italia njeh zyrtarisht patentat shqiptare

Shqipëria

Vendimi në Fletoren Zyrtare, Italia njeh zyrtarisht patentat shqiptare

Më: 29 mars 2021 Në ora: 21:29
Foto ilustruese

Hyn në fuqi marrëveshja mes Shqipërisë dhe Italisë për njohjen e patentave. Marrëveshja mes dy vendeve është botuar në Fletoren Zyrtare.

Pakti u nënshkrua në 18 mars ndërmjet Këshillit të Ministrave të Republikës së Shqipërisë dhe qeverisë së Republikës së Italisë “Mbi njohjen e ndërsjellë të lejeve të drejtimit me qëllim konvertimi”.

Pas kërkesës LIVE që Edi Rama i bëri ministrit të Jashtëm italian Di Maio, në emër të qeverisë shqiptare kjo marrëveshje u nënshkrua nga ministrja për Europën dhe Punët e Jashtme Olta Xhaçka, ndërsa për palën italiane nga ambasadori i Italisë në vendin tonë, Fabrizio Bucci.

Pas botimit në fletoren zyrtare në Tiranë, e njëjta gjë pritet edhe në Itali për të lehtësuar jetën e shqiptarëve përtej Adriatikut.

Shfaq komentet
comments powered by Disqus
Sot mund të lexoni Shfletoni kopertinat