Një konflikt mes djalit të autorit dhe viktimës duket se është bërë shkak i krimit të rëndë mbrëmë në Shkodër. Mark Kodra 47 vjeç ekzekutoi Emiljan Ndoun 25 vjeç, në afërsi të një kalçetoje në fshatin Bardhaj.
Ndërkohë gruaja e autorit, Bukuroshe Kodra është shprehur se fillimisht 25-vjeçari është konfliktuar me djalin e saj.
Gruaja ka rrëfyer se viktima, vazhdimisht kalonte me motor para shtëpisë dhe xhironte gomat, teksa i biri i kishte kërkuar të ulte shpejtësinë pasi kishin fëmijë të vegjël dhe mund t’i rrezikonte.
Gjithashtu ajo ka thënë se bashkëshorti i ka kërkuar të mos e bëjë dhe ai e ka sharë dhe goditur në lokal.