Me djegie të rënda, flasin mjekët: Kjo është gjendja shëndetësore e të plagosurve nga shpërthimi

Shqipëria

Me djegie të rënda, flasin mjekët: Kjo është gjendja shëndetësore e të plagosurve nga shpërthimi

Më: 4 korrik 2021 Në ora: 11:59
Foto ilustrim

Situata shëndetësore e katër anëtarëve të familjes Gjoka që mbetën të plagosur në hotelin e tyre në Velipojë nga shpërthimi i bombolës së gazit mëngjesin e sotëm paraqitet e rëndë.

Sipas mjekëve të spitalit të djegie plastikës, nëna me tre fëmijët e saj janë në rrezik për jetën.

“Paraditen e sotme pranë Shërbimit të Djegie Plastikës janë paraqitur pacientët A.Gj mosha 40 vjeç, D. Gj mosha 19 vjeç, K. Gj mosha 15 vjeç dhe E. Gj mosha 11 vjeç. Pas konsultës së parë mjekësore është konstatuar se pacientët kanë djegie të rënda në trup. Aktualisht janë duke u trajtuar me mjekim intensiv dhe në ndjekje të vazhdueshme nga stafi mjekësor”, thuhet në reagimin e spitalit.

Tre fëmijët,  Klarisa 15 vjeç, Danjela 18 vjeç dhe Enriko 12 vjeç kanë djegie në në masën 80-90 % të trupit, ndërsa e ëma e tyre Alketa 40 vjeçe, ka djegie në shkallën 60%.

Ngjarja ndodhi rreth orës 06:45, në fshatin Pulaj-Plazhë, rruga Nr.5, Velipojë, Shkodër.

"Në një hotel tre katësh ka shpërthyer një bombol gazi, ku si pasojë janë dëmtuar shtetasit A. Gj. 40 vjeçe, D. Gj. 19 vjeçe, K. Gj. 15 vjeçe, dhe E.  Gj. 12 vjeç, të cilët u dërguan për ndihmë mjeksore më të specializuar në Spitalin e Traumës Tiranë" njoftoi policia.

commentFirst article
Sot mund të lexoni Shfletoni kopertinat