Apeli i GJKKO ka lënë në fuqi masat për 9 zyrtarët e arrestuar për abuzimin me tenderin e uniformave të Policisë.
Shkalla e parë kishte dhënë arrest me burg për 9 zyrtarë dhe arrest shtëpie vetem për Anisa Bogdanin.
Zyrtarët e arrestuar janë të përfshirë në tenderin për uniformat e Policisë me vlerë 25 milion euro. Të akuzuar janë ish-drejtoresha e Blerjeve të Përqendruara në Ministrinë e Brendshme bashkë me vartës të tjerë që dyshohet se kanë favorizuar në mënyrë të paligjshme kompaninë fituese.
VENDIMI NGA APELI I GJKKO
Gjykata e Posaçme e Apelit për Korrupsionin dhe Krimin e Organizuar,
Vendosi:
Miratimin e vendimit nr. 48, datë 07.07.2021 dhe vendimit nr. 56, datë 1.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar për personat nën hetim EN, FÇ, AB, AO, K.H, KB, FD, MB, GM.
ARREST ME BURG
Edlira Naqellari, ish-drejtoresha e Blerjeve të Përqëndruara në MPB
Flutura Çekrezi, zyrtare pranë Agjencisë së Blerjeve të Përqëndruara
Fatmir Demneri, anëtar i KVO
Mariglen Buzali, anëtar i KVO
Kreshnik Bejkaj, anëtar i KVO
Ani Omuri, anëtar i KVO.
Gëzim Mingaj, anëtar i KVO.
ARREST SHTEPIE
Anisa Bogdani, anëtar i KVO.
