Zjarr në bodrumet e ministrisë së Financave. Ngjarja ndodhi ditën e sotme. Lajmi është konfirmuar për ‘BalkanWeb’ nga gazetarja Dorjana Bezat.
Burime për Bezat thanë se fatmirësisht nga zjarri nuk ka pasur sende apo materiale të djegura me vlerë.
“Në bodrumin e një institucioni ka rënë zjarr dhe si pasojë janë djegur disa sende pa vlerë. Punohet për sqarimin e rrethanave të ngjarjes.”, thuhej në njoftimin e shkurtër të policisë së Tiranës.
Deri më tani nuk dihen arsyet e zjarrit në fjalë, i cili fatmirësisht u arrit që të shuhej në kohë, pa shkaktuar dëme.
