Raporteri i PE: Bandat shqiptare aktive në trafikun e kokainës, të forcohet lufta kundër krimit

Shqipëria

Raporteri i PE: Bandat shqiptare aktive në trafikun e kokainës, të forcohet lufta kundër krimit

Më: 8 shtator 2021 Në ora: 17:33
David Lega

Reporteri për Shqipërinë në Bashkimin Europian, David Lega, ka shprehur shqetësimin për vendet e Ballkanit.

Mes tyre edhe Shqipëria që janë të përfshira në trafikun ndërkombëtar të kokainës.

Në një postim në Twitter ai shkruan se grupe të Ballkanit, operojnë në vende si Britania e Madhe, Austria, Zvicra, Greqia dhe Belgjika, dhe sipas tij bandat shqiptare kanë qenë aktive.

Eurodeputeti kërkon që Shqipëria të forcojë më tej luftën kundër krimit të organizuar.

“Disa burime vërtetojnë rolin e zgjeruar e grupeve të Ballkanit në tregtinë ndërkombëtare të kokainës dhe autoriteteve nga Britania e Madhe, Austria, Zvicra, Greqia dhe Belgjika dhe grupet e identifikuara shqiptare qenë veçanërisht aktive. #Shqipëria duhet të forcojë më tej luftën kundër krimit të organizuar!” shkruan ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat