Kokalari krah Berishës: Basha ka një dosje korrupsioni në Amerikë

Shqipëria

Kokalari krah Berishës: Basha ka një dosje korrupsioni në Amerikë

Më: 29 shtator 2021 Në ora: 19:49
Evi Kokalari

Aktivistja republikane, Evi Kokalari, ishte sërish sot në takimin që Sali Berisha zhvilloi me demokratët në Durrës.

Ajo mohoi zërat se synon të bëhet kryetare e PD-së, ndërsa “shpalli” edhe kryetarin e ri, pavarësisht se vetëm pak muaj më parë, u konfirmua me votë Lulzim Basha.

‘Unë nuk kam nevojë të bëhem kryetare e Partisë Demokratike pasi ne e kemi kryetarin e Partisë Demokratike, ai është Sali Berisha’, tha Kokalari.

Kokalari bëri një denoncim të forte ndaj kryedemokratit Lulzim Basha.

“Berisha është përjashtuar nga grupi parlamentar i Partisë Demokratike pasi është këmbyer me mbylljen e dosjes së korrupsionit të Lulzim Bashës, një dosje që ekziston në Shqipëri dhe në Amerikë. Kjo është e vetmja arsye pse është përjashtuar Sali Berisha,” tha ajo, ndërsa shpjegoi se bëhet fjalë për një dosje lobimi në SHBA.

comment Për komente lëvizni më poshtë
Sot mund të lexoni Shfletoni kopertinat