​Pezullohet shefi i komisariatit, ai i qarkullimit dhe 4 punonjës në Korçë

Shqipëria

​Pezullohet shefi i komisariatit, ai i qarkullimit dhe 4 punonjës në Korçë

Më: 21 tetor 2021 Në ora: 10:28
Foto ilustrim

Një furtunë e vërtetë po ndodh ditën e sotme në policinë e Korçës, aty ku janë pezulluar nga detyra 6 punonjës të policisë.

Bëhet fjalë për krerët e institucionit, mes tyre shefi komisariatit Krenar Gjokutaj dhe shefi i qarkullimit Kelmend Pikuli. Ndërkohë, mësohet se 4 të tjerët janë punonjës të qarkullimit, me iniciale P.F , G.H, Ç.K, K.K

Arsyet e vendimit të bujshëm vijnë nga prokuroria e Tiranës, që ka hetuar për veprën penale “ushtrim i ndikimit të paligjshëm” për shefat, dhe “shpërdorim detyre” për punonjësit e tjerë, për të paktën 2 raste të kapjes së drejtuesve të mjeteve në shkelje administrative.

Sipas burimeve të A2 CNN, në rastin e parë një drejtues mjeti, përfaqësues i një komuniteti fetar, u konstatua pas orës policore në qarkullim pas përfundimit të një riti fetar në një familje dhe nuk verifikohej autorizimi për shkak të ngarkesës në sistemin e-albania. Drejtuesi i mjetit kërkon të sqarojë situatën tek Gjokutaj dhe ky i fundit e ka lejuar të largohet për pamundësi verifikimi.

Në rastin e dytë, një drejtues mjeti i konstatuar pa rripin e sigurimit në drejtimin e mjetit në qarkullim, ka marrë një masë administrative, por mbetet e paqartë situata se për se është ngritur akuzë për këtë ngjarje.

Gjykata e Tiranës ka vendosur masën e sigurisë “detyrim paraqitje” për shefin e Komisariatit dhe pezullimin nga detyra.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat