Vdekja e 4 rusëve në Qerret, prokurorët nuk zbatuan procedurën e përkthimit të licensuar

Shqipëria

Vdekja e 4 rusëve në Qerret, prokurorët nuk zbatuan procedurën e përkthimit të licensuar

Më: 21 tetor 2021 Në ora: 16:38
Viktimat

Prokurorët e çështjes që po hetojnë rrethanat e vdekjes së katër rusëve në Qerret, nuk kanë ndjekur procedurën e duhur për marrjen në pyetje të 4 turistëve të tjerë rusë.

Ministria e Drejtësisë numëron rreth 1400 përkthyes që shërbejnë gjatë marrjes në pyetje të të pandehurve.

Por në rastin e hetimit të vdekjes së mistershme të katër turistëve, grupi i hetimit ka harruar ti pyesë me përkthyesë katër turistët e tjerë. Ata janë pyetur duke u përkthyer nga Maria Bucakiskam një 30-vjeçare nga Ukraina që i ka përkthyer.

Jana Emelina, Aleksander Mikalov, Elena Mikalova dhe Olga Rybalko që u larguan drejt vendit të tyre fill pas vdekjes së mistershme të bashkëkombasve të tyre rrëfejnë përmes guidës se Sergei, Natalia, Ekaterina dhe Nikita nuk kishin asnjë problem shëndetësor.“Vazhdimisht i kam pyetur”, thotë 30-vjeçarja nga Ukraina, “nëse kanë ndonjë shqetësim dhe ata thanë se ishin të kënaqur dhe të lumtur.”

Madje sipas guidës, viktimat ishin nismëtarët dhe propozuesit që grupi të udhëtonte drejt MaQEDONISË SË Veriut ku dhe qëndruan në lokalin Tomato në Ohër. Turistët u ulën në këtë lokal në tavolinën pranë grupit dhe sipas tyre kishin porositur peskavica dhe peshk. Por akoma më interesante është dëshmia e menaxheres së hotelit ku qëndruan nga e diela në të premten rusët.

Xhudiljana Pole rrëfen se turistët në të shumtën e kohës e kalonin jashtë hotelit dhe për të udhëtuar kishin marrë një automjet me qera. Ata rezervuan pishinën dimërore një ditë përpara ngjarjes dhe për këtë administratorja kujton se u ndoq protokolli ku u mat temperatura dhe u kontrolluan aspiratorët.

Ndricim Halilaga është një punonjës që pastroi pishinën. Ai thotë se hodhi një gotë klor pluhur me 60 ton ujë që mbante pishina.

Policia e ka referuar çështjen për vrasje në rrethana cilësuese sipas nenit 79, dhe ndërkohë që priten ekspertizat e mjekësisë ligjore që do të përcaktojë shkaqet se nga çfarë ndërruan jetë katër rusët. Nga ana tjetër, ISHP ka kthyer pas mostrat e dërguara nga grupi i hetimit duke konsideruar se ato ishin marrë në formën e gabuar dhe duhet të administroheshin nga specialistët e fushës, duke sjellë në këtë mënyrë vonesë të kthimit të përgjigjes nëse ishte apo jo e lartë përqindja e klorit në ujë, e tillë që mund të sillte helmimin vdekjeprurës të turistëve.

Deri më tani, mbi ngjarjen në fjalë ka endë një hije të rëndë paqartësie dhe ende nuk ka një përfundim zyrtar rreth asaj që solli vdekjen e turistëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat