Detaje nga tragjedia në Vlorë/ Viktima, vajza e mjekut të njohur

Shqipëria

Detaje nga tragjedia në Vlorë/ Viktima, vajza e mjekut të njohur

Më: 26 nëntor 2021 Në ora: 13:22
Pamje nga vendi i ngjarjes

Zbardhen detaje nga tragjedia që tronditi Vlorën.

Një 34-vjeçare u hodh nga kati i pestë i një pallati bashkë me fëmijën e saj 1-vjeçar. Të dy ndërruan jetë.

Mësohet se viktima quhet Pamela Mërtiri. Ajo ishte vajza e një mjeku të njohur në Vlorë. Sipas burimeve  ajo kishte ardhur në Vlorë te prindërit, pasi jetonte në Tiranë.

Mërtiri ishte e martuar, por burimet thonë se martesa e saj kishte probleme dhe ajo ishte në proces divorci.

Ajo ishte farmaciste. Ka raportime se mund të ketë pasur edhe një përplasje me familjen e saj në Vlorë, që e ka çuar 34-vjeçarin drejt aktit ekstrem. Burimet thonë se të dy kanë vdekur në spital. 

Ndërkohë policia ka dalë me një variant zyrtar.

Vlorë/Informacion paraprak

Sot më datë 26.11.2021, rreth orës 12:30, në lagjen "Pavarësia 2", shtetasja P. M., 34 vjeçe, dyshohet se është hedhur së bashku me fëmijën e saj të mitur K. N., 1 vjeç, nga sheshpushimi i katit të një pallati dhe për pasojë kanë ndërruar jetë. Në vendngjarje ndodhet grupi hetimor dhe po punon për zbardhjen e plotë të  rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat