“Motrën ma vrau qeni”/ Akuzon bashkëfshatarin se nuk e mbante të lidhur kafshën shtëpiake

Shqipëria

“Motrën ma vrau qeni”/ Akuzon bashkëfshatarin se nuk e mbante të lidhur kafshën shtëpiake

Më: 28 nëntor 2021 Në ora: 20:08
Gëzim Hyka

Gëzim Hyka këmbëngul se jeta e së motrës, Dylberes, u mbyll për shkak të sulmeve nga qeni i fqinjit. Duke akuzuar bashkëfshatarin se nuk e mbante lidhur qenin, banori nga Selba e Tiranës kërkoi hetime, ndaj dhe prokuroria kreu veprime nën dyshimet se i zoti i qenit e braktisi kafshën duke rrezikuar jetën e një personi.

“Kur vdiq motra, ai filloi me e zhduk qenin, i kisha thënë ta lidhte”, thotë Hyka.

Por mjekësia ligjore pas ekzaminimeve në trupin e së ndjerës që ndërroi jetë tre javë pasi e kafshoi qeni, deklaroi se këto plagë nuk kanë qenë vdekjeprurëse, por se gruaja kishte vdekur nga infeksioni dentar. Mbi këtë argument prokuroria pushoi hetimet.

I bindur se gjykata do ta kthejë pas dosjen për hetime të mëtejshme, Gëzim Hyka thotë se ky precedent duhet të shërbeje për të tjerët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat