Kujdes, ka gurë! Në rrugën Elbasan-Qafë Thanë, dherat bien për shkak të reshjeve

Shqipëria

Kujdes, ka gurë! Në rrugën Elbasan-Qafë Thanë, dherat bien për shkak të reshjeve

Më: 29 nëntor 2021 Në ora: 16:11
Foto ilustrim

Aksi Elbasan-Librazhd-Prrenjas mbetet më problematiku sa herë ka reshje të dendura shiu, për shkak të rënies së gurëve.

Zona është tërësisht e paqëndrueshme sidomos te kthesat e Murrashit, ku nuk kanë munguar edhe aksidentet.
Pavarësisht ndërhyrjeve sipërfaqësore, shpati i këtij mali është i paqëndrueshëm dhe i rrezikshëm për qarkullimin e mjeteve sa herë bie shi.

Probleme me rrëshkitjen e gurëve ka pasur edhe në akset Elbasan-Gjinar, ku rruga vazhdon të ketë rrëshkitje duke rrezikuar izolimin e zonës së shpatit. Po ashtu probleme janë evidentuar në rrugën Cërrik-Gramsh-Grabovë.

Ndërkohë, prurjet e lumit Shkumbin kanë shkaktuar përmbytje në disa toka bujqësore. Në fshatin Mlizë rezervuar, ka rrezikuar disa shtëpi, ndërsa ndërhyrja e menjëhershme e ekipeve të emergjencave në bashkinë e Elbasanit vuri nën kontroll situatën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat