Padi për 67 numërues të 25 prillit/ KQZ gjobit edhe 32 sekretarë të KZAZ-ve për shkeljet me votat dhe identifikimin

Shqipëria

Padi për 67 numërues të 25 prillit/ KQZ gjobit edhe 32 sekretarë të KZAZ-ve për shkeljet me votat dhe identifikimin

Më: 3 dhjetor 2021 Në ora: 15:57
Foto ilustrim

67 numërues rrezikojnë burgun për arsye se kanë tjetërsuar votat e preferenciale për kandidatët në zgjedhjet e 25 Prillit.

CELIBASHI: Në total janë 67 numërues të 18 grupeve të numërimit të votave. Është konstatuar se kanë tjetërsuar votat e kandidatëve preferencial.
Komisioneri Shtetëror i Zgjedhjeve vendosi të kallëzojë penalisht të gjithë anëtarët e grupeve numërimit te vota duke mos bërë dallimin midis numëruesve të PD apo PS.

CELIBASHI: Janë të gjithë përgjegjës ligjërisht, organi i akuzës të përcaktojë se kush ka kryer shkelje.

Në prokurori u referuan edhe 20 raste të votimit të dyfishtë.

Celibashi: Janë kallzuar 20 raste, nuk është rastësi që rezultojnë në dy qendra votimi.

Kryekomisoneri Ilirjan Celibashi i kërkoi KAS gjobitjen e 32 sekretare të Komisioneve Zonale të Administrimit Zgjedhor pas shkeljeve të konstatura ditën e zgjedhjeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat