Arrestohet nga SHÇBA shefi i zyrës së Kërkimit “Fast Albania”, ja për çfarë akuzohet

Shqipëria

Arrestohet nga SHÇBA shefi i zyrës së Kërkimit “Fast Albania”, ja për çfarë akuzohet

Më: 3 dhjetor 2021 Në ora: 18:37
Foto ilustrim

Shërbimi për Çështjet e Brendshme dhe Ankesat (SHÇBA) ekzekutoi vendimin penal të Gjykatës pranë Shkallës së Parë Elbasan, e cila ka vendosur masën e sigurimit personal “Arrest me burg” për Komisarin F.A., me detyrë Shef i Zyrës së Kërkimit “Fast Albania” pranë Drejtorisë Operacionale në DPPSH.

Vendimi i Gjykatës së Rrethit Elbasan për masën e sigurimit ndaj 46-vjeçarit u mor në kuadër të thellimit të hetimeve të kryera nga Drejtoria Rajonale e SHÇBA Elbasan nën drejtimin e Prokurorisë së Rrethit Elbasan, në funksion të procedimit penal Nr 1693/2021 për veprat penale “Shpërdorim Detyre”, “Kallëzim i rremë” dhe “Mashtrim”.

Në kuadër të këtij procedimi penal, Drejtoria Rajonale e SHÇBA Elbasan ka arrestuar më parë në kuadër të ekzekutimit të vendimeve të Gjykatës edhe punonjësin e policisë Inspektor Sokol Fana, pjesë e strukturës operacionale të “Fast Albania” dhe shtetasin Klodjan Hajderlli, person me precedent penalë dhe kriminalë në fushën e trafikimit të narkotikëve.
Veprimet dhe aktet procedurale të përpiluara u vunë në dispozicion të Prokurorisë Elbasan. Hetimet vazhdojnë.

Njësia K, e njohur edhe si FAST Albania, është njësi e rëndësishme në strukturën e Policisë së Shtetit. Misioni i saj është kapja e personave në kërkim që i janë shmangur drejtësisë në harkun e 3 dekadave të fundit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat