Berisha: Soros dhe Rama, përgjegjës për shpalljen time non-grata

Shqipëria

Berisha: Soros dhe Rama, përgjegjës për shpalljen time non-grata

Më: 3 dhjetor 2021 Në ora: 19:20
Sali Berisha

Sali Berisha po zhvillon një takim me demokratët në Bilisht, në kuadër të “Foltores” me anë të cilës ish-kryeministri synon të “rikthejë PD-në në vlerat e veta”.

Gjatë këtij takimi, Sali Berisha foli mbi dosjen e “Toyota Yaris”. Ai tha se i ka kërkuar llogari Bashës për dekonspirimin e operacionit.

Ish-kryeministri Sali Berisha iu referua edhe tezës së kreut të PD-së Lulzim Basha, i cili thotë se Foltorja e Berishës është një betejë personale e këtij të fundit.

Sali Berisha tha se nuk është betejë personale, përkundrazi, në betejën e tij personale për shpalljen non-grata, sipas tij nuk ka përfshirë njeri tjetër veç vetes.

Ish-kryeminsitri bëri përgjegjës George Sorosin për shpalljen e tij non-grata nga SHBA-të, ndërsa tha se Sorosi ka përdorur Edi Ramën për të arritur qëllimin.

“Unë kam një çështje personale dhe nuk e mohoj, por që ditën e parë e kam shpallur çështje personale dhe e kam menduar mirë para se ta shpall çështje personale. Kam vendosur të përballem vetë me një padrejtësi që u bë nga George Soros, me veglën e tij “Edi Rama”, tha Sali Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat