Komisioni i Ekonomisë voton pro Denar Bibës si kryetar i Autoritetit të Konkurrencës

Shqipëria

Komisioni i Ekonomisë voton pro Denar Bibës si kryetar i Autoritetit të Konkurrencës

Më: 6 dhjetor 2021 Në ora: 14:22
Komisioni i Ekonomisë voton pro Denar Bibës si kryetar i Autoritetit të Konkurrencës

Komisioni i Ekonomisë miratoi këtë të hënë me votat e mazhorancës Denar Bibën si kryetar të Autoritetit të Konkurrencës.

Në lidhje me kandidaturën e tij, deputeti socialist Erion Braçe shprehu jo pak rezerva, duke deklaruar edhe votën e tij kundër. Ai theksoi se Denar Biba nuk ka qenë asnjëherë një funksionar i Partisë Socialiste dhe as anëtar i asaj dhe aq më tepër deputet apo kryetar organizate.

Braçe tha se Biba ka qenë në një detyrë shtetërore për të cilën shprehu rezerva, madje për të gjithë institucionin e Prokurorimit Publik të asaj kohe që është shkarkuar i gjithi.

Për mua, kandidatura e zotërisë, të cilin s’e kam votuar as kur u bë anëtar i Autoritetit të Konkurrencës, i cili njeh shumë mirë fushën e zgjedhjeve, të drejtën Kushtetuese, por këtë lëmin për të cilin po e ngarkojmë me përgjegjësi, ashtu si në atë lëmin e Prokurorimeve Publike që e ngarkuam me përgjegjësi, nuk ka njohje. Kam edhe rezerva për integritetin e zotërisë”, tha Braçe.

Deputeti socialist shprehu rezerva edhe për sa i përket performancës së tij si anëtar i Autoritetit të Konkurrencës, duke theksuar se deri më tani vlerësimi për të është komplet negativ.

Më vjen të them që në këtë fushë nuk ka lidhje. E dyta, kam rezerva për integritetin e zotërisë. Po e lëmë me kaq, kur të jetë përballë ia them. Në Shqipëri po zhvillohen procese kushtetuese, dhe kam vetëm një qëndrim për të gjithë. Puna e bërë deri më tani në autoritetin e Konkurrencës, është thelbësisht negativ, i jam referuar qëndrimeve publike të marra në atë institucion. Kam lexuar çdo gërmë të qëndrimeve të tij atje. Vlerësimi është negativ. Nuk është kuptuar fare roli i atij institucioni, ai është për të mbrojtur interesin publik. Përtej interesit publik, në mbrojtje të 10 kompanive, nuk është përmbushje e detyrës”, tha Braçe.

Emri i Bibës pritet t’i shkojë tashmë Kuvendit për të marrë votëbesimin e deputetëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat