Aksidentoi për vdekje këmbësorin dhe u largua nga vendngjarja, arrestohet i riu

Shqipëria

Aksidentoi për vdekje këmbësorin dhe u largua nga vendngjarja, arrestohet i riu

Më: 7 dhjetor 2021 Në ora: 10:18
Foto ilustrim

Një aksident me pasojë vdekjen u shënuar ditën e djeshme në rrugën rurale Torovicë, Lezhë.

Një i riu, duke drejtuar mjetin e tij tip ‘Benz’ aksidentoi një 71-vjeçar, këmbësor, i cili si pasojë e aksidentit ndërroi jetë!

26-vjeçari, pas aksidetit braktisi mjetin dhe u largua nga vendngjarja, ndërsa sot është arrestuar në flagrancë nga policia.

“Specialistët e Qarkullimit Rrugor në Drejtorinë Vendore të Policisë Lezhë bënë ndalimin e shtetasit M. D., 26 vjeç, banues në Torovicë, Lezhë.

Ky shtetas, ditën e djeshme, në rrugën rurale Torovicë, Lezhë, duke drejtuar automjetin tip “Benz”, ka aksidentuar një shtetas 71 vjeç, këmbësor, i cili për pasojë ka ndërruar jetë. Pas aksidentit, 26-vjeçari ka braktisur mjetin dhe është larguar nga vendngjarja”, njofton policia.

Materialet hetimore u referuan në Prokurorinë e Rrethit Gjyqësor Lezhë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat