Gledis Nano anulon në momentin e fundit tenderin 2.5 milion dollarë: Ka shkelje!

Shqipëria

Gledis Nano anulon në momentin e fundit tenderin 2.5 milion dollarë: Ka shkelje!

Më: 8 dhjetor 2021 Në ora: 15:35
Gledis Nano

Drejtori i Policisë së Shtetit, Gledis Nano ka vendosur për të anuluar tenderin e firmosur nga Ardi Veliu, paraardhësi i tij, tender për pistoleta.

Ky tender me vlerë 2.5 milion USD, u shpall në datën 29 korrik 2021 por Policia e Shtetit sot  ka njoftuar Agjencinë e Prokurimit Publik për anulimin e kësaj procedure.

Objekti i kontratës ishte: “blerje pistoleta 9×19 mm” me një fond limit: 230,657,900 lekë ose 2.5 mln USD me TVSH. Arsyet e anulimit është bazuar në ligjin ‘për prokurimët në fushën e mbrojtjes dhe të sigurisë’. Komisioni i prokurimit publik vendos anulimin, sipas parashikimit të shkronjës “ç”, të pikës 3, të nenit 55, të këtij ligji”.

Ja çfarë thuhet në këtë nen:

Përpara lidhjes së kontratës, Komisioni i Prokurimit Publik, kur gjykon se një vendim apo veprim i autoritetit kontraktor ka shkelur ndonjë nga dispozitat e këtij ligji, ka të drejtë: ç) tё urdhërojë anulimin e procedurave për shpalljen e kontratës fituese.

Pra, procedura ka qenë tejet e finalizuar dhe gati në lidhjen e kontratës.

Image
Tenderi
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat