Fier/ Tentoi të fuste lëndë narkotike për djalin në burg, arrestohet dhe babai. Si e kishte fshehur drogën (Detajet)

Shqipëria

Fier/ Tentoi të fuste lëndë narkotike për djalin në burg, arrestohet dhe babai. Si e kishte fshehur drogën (Detajet)

Më: 19 janar 2022 Në ora: 11:21
Foto ilustrim

Në një pako postare të dërguar nga babai, i identifikuar si L.Z., për të birin e identifikuar me inicialet G.Z., i cili ndodhet në burg në Fier, është konstatuar se ishin fshehur kokrra të dyshuara të ngjashme me të lëndës narkotike.

Gjatë kontrollit të ushtruar nga punonjësit e policisë, u konstatuan të kamufluara dhe të mirëfshehura 2 gota plastike, ku në brendësi të tyre u gjendën kokrra të dyshuara të ngjashme me të lëndës narkotike. Për pasojë u arrestua dhe babai.

Menjëherë OPGj i SHKBB-së nën drejtimin e Prokurorisë Fier, në bashkëpunim me Drejtorinë e Policisë Fier dhe me Komisariatin e Policisë Lushnje, u koordinua për kryerjen e veprimeve të para hetimore për dokumentimin ligjor dhe zbardhjen e menjëhershme të ngjarjes.

Në bazë të provave dhe fakteve u krye arrestimi në kushtet e flagrancës ndaj shtetasit:

“L.Z.”, i dyshuar për kryerjen e veprës penale të “Futja ose mbajtja e sendeve të ndaluara në I.E.V.P me Burgim”, “Prodhimi dhe shitja e narkotikëve”, të parashikuar nga nenet respektive të 283, 324/a të Kodit Penal.

Materialet procedurale u referuan në Prokurorinë e Rrethit Gjyqësor Fier.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat