Ambasadorja Yuri Kim takohet me kryedemokratin Basha

Shqipëria

Ambasadorja Yuri Kim takohet me kryedemokratin Basha

Më: 28 janar 2022 Në ora: 20:35
Foto nga takimi

Ambasadorja amerikane Yuri Kim është takuar me kryetarin e Partisë Demokratike Lulzim Bashën pasditen e sotme.

Me anë të një postimi në Twitter, Kim e falenderon demokratin për angazhimin e tij në luftën kundër korrupsionit, fuqizimin e institucioneve demokratike si dhe në mbështetjen e investimeve të SHBA-së në Shqipëri.

Diplomatja amerikane thekson se një opozitë e fortë, është esenciale për demokracinë e një vendi.

Postimi i Yuri Kim:

Falenderoj kryetarin e Partisë Demokratike, Lulzim Bashën për angazhimin e shkëlqyer në disa çështje kyçe që lidhen me marrëdhëniet Shqipëri-SHBA, duke përfshirë format e fuqizimit të institucioneve demokratike, luftën ndaj korrupsionit dhe investimeve amerikane në vend, nga veriu në jug. Opozita e fortë është esenciale për demokracinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat