Manastirliu: Masat anti-Covid mund të rishikohen në javët e para të marsit

Shqipëria

Manastirliu: Masat anti-Covid mund të rishikohen në javët e para të marsit

Më: 19 shkurt 2022 Në ora: 15:58
Ogerta Manastirliu  

“Masat anti-Covit mund të rivlerësohen në javët e para të marsit”, tha ministrja e Shëndertësisë Ogerta Manastirliu  gjatë vizitës  që pati  me zv/Presidentin e Zvicrës në  qendrën shëndetësore të Vorës, e cila është rikonstruktuar me mbështetjen e qeverisë zviceriane.

Gjatë vizitës Manastirliu  vuri theksin tek rëndësia e  vaksinimit anticovid, duke u shprehur se ky është element kyç për rivlerësimin e masave.

“Jemi duke vlerësuar me shumë kujdes situatën epidemiologjike, kemi indikatorë të përmirësuar, një incidencë e cila është në ulje, por sa i përket rasteve aktive vijojmë të kemi dhe duhet të tregojmë kujdes. Duke shpresuar që do të jemi në indikatorë të përmirësuar, do të rivlerësojmë masat në dy javët e para të muajit marsQeveria shqiptare ka miratuar kontratën për ardhjen e 1 milion dozave të vaksinave Pfizer, plus 500 mijë doza opsionale. Pra përgjatë gjithë këtij viti fjala kyçe do vijojë të mbetet vaksinimi dhe vaksinimi me dozën e tretë është sërish shumë i rëndësishëm në funksion të rritjes së imunitetit dhe shmangies të formave të rënda të sëmundjes”, tha Manastirliu.

Deri tani janë kryer mbi 2 milion e 680 mijë vaksinime dhe kanë mbërritur mbi 3.1 milion doza vaksine ndaj COVID-19.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat