Dita e tretë e protestës në kryeqytet, u bllokuan disa akse, policia përplaset me qytetarët

Shqipëria

Dita e tretë e protestës në kryeqytet, u bllokuan disa akse, policia përplaset me qytetarët

Më: 11 mars 2022 Në ora: 23:35
Foto ilustrim

Protestat e nisura për rritjen e çmimit të naftës vijuan edhe të premten përpara kryeministrisë. Për të tretën ditë me radhë edhe pse me temperatura të ulëta, qytetarët sërish u grumbulluan përpara kryeministrisë më të shumtë në numër.

Një gjenerator siguroi foninë dhe bokset me të cilin organizatorët dhe qytetarët i folën protestuesve.

Përfaqësues të shoqërisë civile, gazetarë dhe aktorë i bën thirrje shqiptarëve të vijojnë reagimin kundër rritjes së çmimeve.

Por duket se çmimi i naftës influencoi edhe vetë protestën, ku pas 90 minutash, benzina e gjeneratorit përfundoi, duke e lënë protestën pa zë.

Kjo thirrje ishte e fundit. Marshimi nisi fillimisht drejtë sheshit Skënderbej, vijoi në rrugën e Durrësit dhe më pas protestuesit u përqendruan në rrethrrotullimin e Zogut të Zi.

Policia lejoi vetëm 15 minuta rrugën të bllokuar. Më pas ndërhyri me forcë.

Protestuesit u shpërndarë rreth orës 21:00 me thirrjen se reagimi do të vijoi me protestën kombëtare këtë të shtunë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat