Grupi i protestuesëve: Masat janë të pamjaftueshme, kemi 5 kërkesa!

Shqipëria

Grupi i protestuesëve: Masat janë të pamjaftueshme, kemi 5 kërkesa!

Më: 18 mars 2022 Në ora: 11:56
Foto ilustrim

Grupi inciator i protestës për rritjen e çmimeve, i ka cilësuar si të pamjaftueshme masat e mara deri më tani nga qeveria, në paketën e mbrojtjes sociale.

Përmes një deklarate për shtyp, ata kërkojnë 5 masa të tjera konkrete, të cilat do të lehtësojnë ndjeshëm jetesën e qytetarëve të cilët janë prekur nga rritje e çmimeve.

“Kërkesat dhe propozimet tona, të përpiluara me grupet e interesit,për të përballuar në mënyrë efektive dhe të qëndrueshme këtë krizë si dhe për të garantuar mirëfunksionimin e tregut dhe mbështetjen e biznesit, janë si në vijim:

Heqje i taksës së qarkullimit dhe pezullim i alternuar i barrës fiskale mbi gmimin e karburantit.

Pezullim i TVSH-së për produktet e shportës bazë.

Zgjerim i skemës së kompensimit dhe mbështetjes së fermerëve.

Paketë reale ndihme për pensionistët, invalidët dhe familjet me ndihmë ekonomike deri në tejkalimin e krizës.

Hetim e mbikëqyrje e koncesioneve dhe shpenzimeve që ndikojnë në buxhetin e shtetit, si dhe e operatorëve që mund të ndikojnë arbitrarisht në rritjen e çmimeve”, theksohet në deklaratë.

Sipas grupit të protestueseve nesër protesta do të nisë me marshim drejt kryeministrisë, por nëse s’do ketë reagim nga ana e qeverisë, do ketë përshkallëzim duke qendruar në shesh.

comment Për komente lëvizni më poshtë
Sot mund të lexoni Shfletoni kopertinat