Rudina Hajdari zbulon arsyet pse Sali Berisha nuk duhet të kandidojë

Shqipëria

Rudina Hajdari zbulon arsyet pse Sali Berisha nuk duhet të kandidojë

Më: 9 prill 2022 Në ora: 20:49
Rudina Hajdari dhe Sali Berisha

E pyetur se kë shikon në krye të Partisë Demokratike, Rudina Hajdari ka deklaruar që kjo varet nga anëtarësia.

Gjatë përgjigjes së saj ajo ka prekur edhe kandidimin e Berishës për këtë post ku sipas saj ai nuk duhet të kandidojë për shkak se kandidimi i tij krijon kushte të pabarabarta për të tjerët.

“Nëse Berisha kandidon ai duhet t’i japi kandidatëve të tjerë mjaftueshëm kohë për të bërë fushatë në vende të ndryshme për t’u afruar me anëtarësinë dhe për t’i bindur ata.

Mendimi im personal është që zoti Berisha nuk duhet të kandidojë sepse krijon kushte të pabarabarta për kandidatët e tjerë. Ai ka pasur ndikim shumë të madh brenda PD-së, ka qenë President, Kryeministër dhe ka luajtur një rol shumë të madh në krijimin e Partisë Demokratike. Të gjitha këto e bëjnë zotin Berisha me një peshë jashtëzakonisht shumë të madhe brenda partisë dhe ka një ndikim të madh tek anëtarësia.” 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat