Pronari i një servisi në Durrës është arrestuar, pasi në servisin e tij u gjetën dhe u sekuestruan 300 gramë lëndë e dyshuar narkotike cannabis sativa, një peshore elektronike dhe një shumë parash.
Në pranga ka rënë shtetasi G. R., 45 vjeç, për veprat penale “Prodhimi dhe shitja e narkotikëve”, "Punësimi i paligjshëm" dhe "Fshehja e të ardhurave".
Ndërkohë është proceduar penalisht 24-vjeçarja, E. L. e punësuar në mënyrë të paligjshme në këtë servis, për veprën penale “Moskallëzimi i krimit”.
Materialet i kaluan Prokurorisë, për veprime të mëtejshme.
