Pas Tabakut, Dumës dhe Kunatit të Bashës, Veliaj fiton gjyqin edhe me Bardhin

Shqipëria

Pas Tabakut, Dumës dhe Kunatit të Bashës, Veliaj fiton gjyqin edhe me Bardhin

Më: 20 prill 2022 Në ora: 16:43
Erion Veliaj

Pas fitoreve në gjykatë për akuzat e shpifjes me Jorida Tabakun, Grida Dumën dhe kunatin e Lulzim Bashës, Erion isufin, kryetari i Bashkisë së Tiranës, Erion Veliaj ka fituar një betejë tjetër ligjore edhe me vetë Partinë Demokratike.

Gjykata e Tiranës ka pranuar kërkesën e Prokurorisë për të pushuar hetimet në lidhje me pretendimet e Partisë Demokratike në kallëzimin e depozituar në SPAK, të firmosur nga Sekretari i saj i Përgjithshëm, Gazmend Bardhi.

Në këtë kallëzim pretendohej se Veliaj dhe ministrja Manastirliu kanë përdorur postin publik në zgjedhjet e 25 prillit 2021.

Në kërkesën drejtuar gjykatës, Prokuroria shprehet se nuk ka asnjë provë që kryebashkiaku Veliaj dhe ministrja Manastirliu të kenë përdorur postin publik dhe shpërdoruar detyrën, duke i cilësuar akuzat e Bardhit të pavërteta dhe të pabazuara në ligj dhe në prova.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat