Hajdari voton për zgjedhjen e kryetarit të PD për njësinë 2/ Tregon rrugën për ringritjen e partisë

Shqipëria

Hajdari voton për zgjedhjen e kryetarit të PD për njësinë 2/ Tregon rrugën për ringritjen e partisë

Më: 23 prill 2022 Në ora: 15:41
Rudina Hajdari

Ish deputetja e PD, Rudina Hajdari ka votuar sot për zgjedhjen e kryetarit të PD për njësinë numër 2.

Hajdari thekson se rruga e vetme për të ringritur PD kalon nga fuqizimi i anëtarit e qytetarit dhe dobësimi i rolit të kryetarit.

“Ushtrova sot të drejtën e votës në procesin e zgjedhjes për Kryetarin e PD njësia 2.
Rruga e vetme për të ringritur PD, për ta rikthyer atë në forcë politike konkurruese dhe qeverisëse, për të ndërtuar opozitën që sot aq shumë i duhet vendit dhe për të rikthyer shpresën në Shqipëri, kalon nga fuqizimi i anëtarit e qytetarit dhe dobësimi i rolit të kryetarit.

Do të jem gjithnjë përkrah anëtarëve të PD e në krah të qytetarëve shqiptarë, duke luftuar për më shumë demokraci, garë e meritokraci brenda politikës shqiptare”, 
shkruan Hajdari.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat