Balla thirrje opozitës: Sillni propozimet për presidentin e ri

Shqipëria

Balla thirrje opozitës: Sillni propozimet për presidentin e ri

Më: 18 maj 2022 Në ora: 14:51
Taulant Balla

Kreu i Grupit Parlamentar të PS-së, Taulant Balla, i ka bërë thirrje grupeve të tjera parlamentare që të bëjnë propozimet e tyre për emrin e presidentit të ri të Shqipërisë.

Në mbledhjen e sotme të Konferencës së Kryetarëve, Balla tha se dy raundet e para janë të opozitës, ndërsa raundi i katërt dhe i pestë është i shumicës.

Balla sqaroi se është i gatshëm të dëgjojë propozime nga të gjitha palët, përjashtuar ato të dhëna nga ish-kryeministri Sali Berisha që e etiketoi si një “non grata”.

“I keni ju 20 firma për të propozuar një kandidate në raundin e dytë? Kandidatë që vijnë nga katrani i oborrit nuk pranojmë, për ‘non grata’ e kisha”, u shpreh Balla.

Më 23 maj është raundi i dytë i votimit për zgjedhjen e presidentit, derisa raundi i parë për presidentin dështoi për shkak të mungesës së një kandidature për postin e presidentit.

Për të zgjedhur presidentin e ri në tre raundet e para duhen së paku 84 vota të cilat mazhoranca e Partisë Socialiste nuk i ka.

Pas raundit të tretë, mazhoranca mund ta zgjedhë vetë kreun e ri të shtetit, pasi i ka 71 votat e nevojshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat