​Kontrolle të rrepta për tifozët para hyrjes në “Air Albania”

Shqipëria

​Kontrolle të rrepta për tifozët para hyrjes në “Air Albania”

Më: 25 maj 2022 Në ora: 19:42
Pamje nga vendi i ngjarjes

Futja e tifozëve të parë në stadiumin “Air Albania” ka nisur. Në orën 21:00 ekipet e Romës dhe Feyenoord do të përballen në stadiumin ‘Air Albania’, në Tiranë duke e kthyer këtë ndeshje në një moment historik për futbollin shqiptar.

Kryeqyteti shqiptar është “pushtuar” nga tifozët e Romës dhe Feyenoordit, ekipe që do të përballen sonte mes tyre në stadiumin kombëtar në finalen e Conference League.

Mbështetësit e dy skuadrave janë nisur për në stadium, ku kanë filluar edhe hyrjet e para. Akomodimi i tyre në stadium ka nisur tre orë para ndeshjes në mënyrë që kur të nisë ndeshja të gjithë të kenë zënë vendet e tyre.

Tifozët e Romës dhe Feyenoord kanë nisur të hyjnë në stadiumin “Air Albania” për të ndjekur ndeshjen finale të Conference League. Në hyrje po kryhet kontroll i rreptë nga policia, për të shmangur incidente si ato të një nate më parë, ku u plagosën 20 persona, mes tyre 12 efektivë. /TCH/

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat