Samiti i BE mbyllet pa rezultate, DASH në krah të Shqipërisë dhe RMV - ja çka kërkon

Shqipëria

Samiti i BE mbyllet pa rezultate, DASH në krah të Shqipërisë dhe RMV - ja çka kërkon

Më: 25 qershor 2022 Në ora: 08:43
DASH

DASH vazhdon të mbështesë fillimin sa më të shpejtë të negociatave të anëtarësimit në BE për Maqedoninë e Veriut dhe Shqipërinë. 

Qeveria amerikane ka lëshuar një deklaratë në lidhje pas samitit të dështuar BE-Ballkani Perëndimor këtë javë në Bruksel ku flet për pasigurinë për fillimin e bisedimeve para-anëtarësuese.

Për Uashingtonin, besueshmëria e perspektivës së zgjerimit të BE-së është jetike për stabilitetin dhe prosperitetin e Ballkanit Perëndimor. 

“Besojmë se besueshmëria e perspektivës së zgjerimit të BE-së është jetike për stabilitetin dhe prosperitetin e Ballkanit Perëndimor”, kanë thënë sot për MIA nga Departamenti Amerikan i Shtetit. 

Samiti 2 ditor i Bashkimit Europian ka përfunduar pa rezultate konkrete për Shqipërinë dhe Maqedoninë e Veriut. Në raportin e publikuar pas takimit vihet re se nuk është firmosur nisja e bisedimeve për çeljen e negociatave. Në një konferencë për shtyp Presidenti Francez Emmanuel Macron përshëndeti vendimin e parlamentit bullgar.

“Dua të përgëzoj parlamentin bullgar për votën që hap rrugën për mundësinë e heqjes së vetos dhe për fillimin e negociatave me Maqedoninë e Veriut dhe për pasojë edhe për Shqipërinë. Puna jonë do të vijojë në tryezën e dialogut mes Shkupit dhe Sofjes për të zgjidhur edhe çështjet e fundit teknike në ditët në vijim”.

Edhe presidenti i Këshillit Europian, Charles Michel tha se vendimi i parlamentit bullgar ishte një sinjal i mirë.

“Përgëzoj presidencën franceze mbi punën e saj të jashtëzakonshme në disa fusha, veçanërisht mbi ecurinë e çështjes së negociatave në rajonin e Ballkanit Perëndimor. Heqja e vetos bullgare, një lajm i mirë për Maqedoninë e Veriut dhe Shqipërinë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat