Ligjvënësit do të mblidhen këtë të enjte në Kuvendin e Shqipërisë në orën 10:00. Gjatë seancës së sotme plenare pritet të miratohet akti normativ për kompensimin e çmimeve të materialeve të ndërtimit.
Nëpërmjet këtij akti qeveria kompenson ndërtuesit e kontratave publike nga 5-30% për çmimin e rritur të hekurit, çimentos, bitumit, tubave plastike, aluminit, bakrit dhe zinkut.
Megjithatë, kompensimi i çmimeve është kundërshtuar nga opozita. Në përfundim të seancës do të mund të bëhen diskutime për çështje që janë jashtë rendit të ditës.
Ditën e sotme kryeministri Edi Rama nuk pritet të jetë prezent në diskutime pasi ndodhet në Madrid në Samitin e NATO-s.
