Fier, epidemi karkalecash/ Fermerët thonë se për shkak të insektit po humbin gjysmën e prodhimit

Shqipëria

Fier, epidemi karkalecash/ Fermerët thonë se për shkak të insektit po humbin gjysmën e prodhimit

Më: 3 korrik 2022 Në ora: 13:15
Foto ilustrim

Tufa të tëra karkalecash kanë pushtuar sipërfaqe të pafundme tokash në zonën e Topojë Semanit.

Sipërfaqe të tëra të mbjella me kultura bujqësore dhe foragjere janë të dëmtuara nga tufat e insekteve.

Fermerët e zonës pohojnë se nuk është hera e parë, por këto pesë vitet e fundit tufat e karkalecave sa vijnë e shtohen dhe dëmet janë në masën e afro 45% të prodhimit të tyre që u shkon dëm.

Fermerët kanë vënë në dijeni edhe drejtorinë e bujqësisë dhe kane kërkuar dezinfektimin e sipërfaqeve të tokës që sulmojnë më shumë karkalecat.

Janë më shumë se 80 hektarë të infektuara deri më sot në disa fshatra në Myzeqe. karkalecat sapo vjen stina e verës pushtojnë arat me të mbjella.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat