Tre vatra zjarri vetëm sot në Elbasan, digjen sipërfaqe të mëdha me ullinj

Shqipëria

Tre vatra zjarri vetëm sot në Elbasan, digjen sipërfaqe të mëdha me ullinj

Më: 6 korrik 2022 Në ora: 18:22
Foto nga vendi i ngjarjes

Një zjarr i nisur nga pakujdesia ka marrë përmasa të mëdha në fshatin Mjekes Elbasan ku janë djegur 1.5 ha ullinj.

Zjarri i ndihmuar edhe nga era ka përfshirë sipërfaqen me ullinj. Për vënien nën kontroll të flakëve janë angazhuar 10 efektivë zjarrfikës dhe 3 mjete. Kjo është vatra e 3 e zjarrit vetëm sot. Dy të tjerat u arritën të viheshin nën kontroll më lehtë dhe pa dëme të mëdha.

Çdo ditë në Elbasan regjistrohen 3-4 vatra zjarri këtë periudhë, shumica e të cilave janë zjarre nga pakujdesia teksa fermerët djegin arat e tyre.

Reparti zjarrfikës bën apel për kujdes pasi temperaturat ekstreme dhe era favorizojnë përhapjen e flakëve me shpejtësi dhe pasojat mund të jenë shumë më të mëdha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat