Vrasja në Maliq/ Policia jep detaje: Konflikti për motive të dobëta!

Shqipëria

Vrasja në Maliq/ Policia jep detaje: Konflikti për motive të dobëta!

Më: 8 gusht 2022 Në ora: 22:38
Foto ilustrim

Policia e Korçës ka dhënë njoftimin zyrtar mbi konfliktin mes dy personave në fshatin Rrëmbec të Maliqit, e cila përfundoi me vrasjen e njërit prej tyre.

Blutë e Korçës bëjnë me dije se në konflikt janë përfshirë shtetasit Nesto Sotiri dhe Velo Hazisllari.

Velo Hazisllari ka goditur me thikë bashkëfshatarin e tij, Nesti Sotirin i cili edhe pse u dërgua në spitalin e Korçës, nuk i mbijetoi plagëve të marra.

Edhe Velo Hazisllari aktualisht është shtruar në Spital për shkak të dëmtimeve të marra. Policia ndodhet në vendngjarje dhe po punon për zbardhjen e plotë të konfliktit.

Njoftimi i policisë:

Më datë 08.08.2022, rreth orës 21:40, jemi njoftuar se në fshatin Rëmbec, Maliq, gjatë një konfliti për motive të dobëta, ishte plagosur me mjet prerës (thikë), shtetasi N. S., i cili pasi mbërriti në Spitalin e Korçës, ka ndërruar jetë.

Menjëherë pas marrjes të njoftimit, shërbimet e policisë janë nisur drejt vendngjarjes ku bënë të mundur edhe identifikimin e autorit të dyshuar të ngjarjes, konkretisht shtetasi V. H., që për shkak të dëmtimeve të marra, ndodhet nën kujdesin e mjekëve në Spitalin e Korçës, me të cilin do të kryen veprimet e mëtejshme procedurale.

Grupi hetimor po punon për sqarimin e plotë të rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat