Infektimet me Covid dhe çfarë pritet të ndodhë në vjeshtë, flet Eugena Tomini

Shqipëria

Infektimet me Covid dhe çfarë pritet të ndodhë në vjeshtë, flet Eugena Tomini

Më: 16 gusht 2022 Në ora: 15:32
Eugena Tomini

Drejtoresha e ISHP-së, Eugena Tomini duke folur në lidhje me situatën e pandemisë Covid në vendin tonë, shprehet se vijon të ketë një numër të lartë të të infektuarve dhe se nënvariantet e COVID-19 kanë transmetueshmëri më të madhe.

“Kurbe e COVID-19 me luhatje gjate 4 javëve te fundit. Infektime janë te larta, krahasuar me numrin e testimeve. Numri i shtrimeve është më i reduktuar se sa një vit më parë. Kemi një kontakt më të madh mes njerëzve, pasi është sezoni turistik. Ka shfrenim të mosprespektimit të masave. Stina ka më shumë kontakte të afërta. Variantet BA4, BA5 kanë transmetueshmëri më të lartë. Preja dhe transmetushmëria do të ndikojë në rritjen e rasteve. Situata epidemiologjike shkon paralelisht me vaksinimi. Nuk jemi të paprekshëm nga riinfektimet, apo infektimet për herë të parë. Apo aq më tepër kur nuk kemi mbulim të madh me vaksinim. Me rëndësi që të mbahet në mënyrë të njëtrajtshme respektimi i masave”, tha Tomini, në një lidhje përmes skype për News24.

Tomini bëri edhe një paralajmërim sa i takon asaj që pritet të ndodhë në vjeshtë.

“Parashikohet që vjeshta do të ketë prezencë të COVID-19. Duke qenë se edhe përballja me gripin, pasi nuk kemi pasur influencë, ka gjasa për një ashpërsi të ndikimit të gripit. Ndaj është me rëndësi bashkimi dhe kombinimi i vaksinës së gripit dhe e COVID-19”, tha ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat