Rrezikohen nga lumi Gjadër, banorët e Mnellës në Vaun e Dejës kërkojnë ndërtimin e digave

Shqipëria

Rrezikohen nga lumi Gjadër, banorët e Mnellës në Vaun e Dejës kërkojnë ndërtimin e digave

Më: 2 tetor 2022 Në ora: 15:10
Foto ilustrim

Nisja e stinës së reshje ka rikthyer alarmin e përmbytjeve në disa fshatra të Vaut të Dejës. Banorë të fshatit Mnellë, protestuan këtë të diele për të kërkuar ndërtimin e digave përgjatë lumit Gjadër.

Që prej vitit 2003, niveli i Lumit Gjadër përllogaritet se është rritur me 2 metra pranë fshatit Mnëllë në Vaun e Dejës.

“Për fatin tonë nuk ka mbytur njerëz, por çdo gjë tjetër është përmbytur.”

Nisja e stinës së shirave e kthen lumin në kërcënim për lagjen “Mali i Rrëzuar”.

“Lumi Gjadër në vërshimet e tij mund të shkojë mbi 2 mije kub në sekondë.”

“Nëse nuk ka digë atëherë uji do të vijë të marrë sa herë i teket.”

Këtë të dielë, banorët dolën në protestë pas kërkesat për ndërtimin e digës që do të shmangte përmbytjet, thonë se nuk po dëgjohen.

“Na kanë thënë se nuk kanë fonde si bashki dhe kjo i takon AKMC-në në Tiranë.”

Vetëm pak javë më parë disa zona të Vaut të Dejës u përmbytën pas reshjeve intensive të shiut, sipas banorëve për shkak të mungesës së argjinaturave dhe mospastrimit të kanaleve kulluese!  

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat