PD kërkon 94 bashki propozimi për reformën territoriale. Jo 12 qarqe por 6 ose 3 rajone

Shqipëria

PD kërkon 94 bashki propozimi për reformën territoriale. Jo 12 qarqe por 6 ose 3 rajone

Më: 3 tetor 2022 Në ora: 15:25
PD

Ekspertët e opozitës në komisionin e posaçëm parlamentar të reformës administrativo-territoriale paraqitën raportin e tyre,  ku si kërkesë kryesore është ndryshimi numrit të qarqeve aktualisht 12.

“Duhet të hiqen qarqet dhe të bëhen 6 ose 3 rajone. Të rikthehet një ministri për pushtetin vendor.“-tha Agron Haxhimali.

Opsioni 1:  6 Rajone, Rajonin Tiranë-Durrës; Rajoni Shkodër-Lezhë; Rajonin Kukës-Dibër; Rajonin Gjirokastër-Berat; Rajonin Fier-Vlorë dhe Rajonin Elbasan-Korçë.) Opsioni 2: 3 rajone: Rajoni Adriatikut (Shkodër, Lezhë, Dibër, Kukës) Rajoni Adriatiko-Jonian(Tiranë, Durrës Elbasan), Rajoni Jonian (Vlorë, Korçë, Gjirokastër).

Krahas konfigurimit të qarqeve eksperti opozitës  propozoi edhe ndryshimin e numrit të  bashkive nga 61 aktualisht .

“Të shtohen edhe 33 bashki”- shtoi Agron Haxhimali

Eksperti  Haxhimali u caktua nga grupimi Alibeaj në PD. Fraksioni Berisha në PD  dhe Shtëpia e Lirisë nuk përfaqësohen në këtë reformë të re që synohet të realizohet nëse do arrihet dakordësia me shumicën socialiste.

Sinjalin kundërshtues të këtij propozimi e dha bashkë-kryetarja socialiste e këtij komisioni socialistja  Anila Denaja.

PROPOZIMI I PD PËR SHTIMIN E BASHKIVE:

QARKU BERAT (SHTOHEN 2 BASHKI)

QARKU DIBËR (SHTOHEN 4 BASHKI)

QARKU DURRËS (SHTOHEN 2 BASHKI)

QARKU ELBASAN (SHTOHEN 3 BASHKI)

QARKU FIER (SHTOHEN 4 BASHKI)

QARKU KORÇË (SHTOHEN 5 BASHKI)

QARKU KUKËS (SHTOHEN 2 BASHKI)

QARKU LEZHË (SHTOHEN 4 BASHKI)

BASHKIA TIRANË (SHTOHEN 3 BASHKI)

BASHKIA VLORË (SHTOHEN 4 BASHKI)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat