Grabitja në Rinas, Gjykata dënon me 122 vjet burg 7 autorë

Shqipëria

Grabitja në Rinas, Gjykata dënon me 122 vjet burg 7 autorë

Më: 5 tetor 2022 Në ora: 17:16
Rinas

Gjykata e Posaçme ka shpallur vendimet për dënimin e të akuzuarve si pjesë e grupit kriminal që ka realizuar grabitjen në Rinas në prill të vitit 2019.

“Klement Çala: 20 vjet burgim, Eldi Çala: 17 vjet burgim, Oltian Veseli: 17 vjet burgim, Renaldo Sula: 17 vjet burgim, Saimir Çela: 17 vjet burgim, Elton Pikli: 17 vjet burgim, Alkond Bengasi: 17 vjet burg”, janë dënimet që u dhanë për shtatë autorë.

Sipas gjykatës, të gjithë duhet ta vuajnë dënimin në një burg të sigurisë së lartë.

Për këtë grabitje, ku u morën miliona euro në pistën e aeroportit në prill 2019, akuzohet si pjesëmarrës dhe i shumëkërkuari i drejtësisë, Talo Çela.

Çela po gjykohet i veçuar nga të bashkëpandehurit e dosjes, pasi për një vit procesi ndaj tij ishte i pezulluar. Më parë, Çela ka pretenduar se nuk ka qenë i pranishëm për shkak të një problemi shëndetësor.

Për këtë grabitje u akuzua si organizator dhe kreu i grupit kriminal edhe Admir Murataj, i cili ndërroi jetë gjatë ndjekjes së grupit nga policia. Gjithashtu, ishte arrestuar dhe i akuzuar edhe Ragip Hajdini, i njohur si “daja nga Kosova”, por çështja ndaj tij u pushua pasi ndërroi jetë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat