​Berisha i vendosur: Protestat në samite dhe takime ndërkombëtare janë normale

Shqipëria

​Berisha i vendosur: Protestat në samite dhe takime ndërkombëtare janë normale

Më: 2 dhjetor 2022 Në ora: 12:46
Sali Berisha

Kreu i Partisë Demokratike, Sali Berisha u shpreh i vendosur në një takim me gazetarët për zhvillimin e protestës më 6 dhjetor. Berisha nënvizoi se nga protesta e 6 dhjetorit nuk do të ketë asnjë gjë të keqe.

Kreu i PD-së theksoi se është normal që të zhvillohen protesta paralelisht me samite apo takime ndërkombëtare.

“Vetëm qytetarët e lirë protestojnë, kurse njerëzit e nënshtruar thonë me vetë çfarë më duhet mua, ulin kokën dhe heshtin. Qytetarët kanë të drejtë të dëgjohen dhe protesta është një nga mënyrat më të fuqishme, që ata të dëgjohen, është zëri i qytetarëve, është zëri juaj. Protestat kundër qeverisë janë jetike.

Cila është e keqja e protestës? Asnjë e keqe, asgjë e keqe, vetëm të mira do ketë, kërkim llogarie, demonstrim se guxojmë si njerëz të lirë. Të martën zhvillohet samiti Ballkani Perëndimor me BE-në, protesta në samite dhe takime ndërkombëtare janë gjëja më normale”, u shpreh Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat