Gazetari Nebil Çika, protestën e thirrur nga Sali Berisha më 6 dhjetor, në të njëjtën ditë kur në Tiranë mbahet samiti BE-Ballkani Perëndimor, e sheh si të gabuar dhe me më shumë efekte negative se pozitive, jo vetëm për imazhin e Shqipërisë, por për vetë Partinë Demokratike dhe grupimin e Berishës.
Çika tha se protesta është thirrur për hallin personal të Berishës, për shkak të përplasjes që ka me SHBA dhe BE.
Sipas tij, edhe pse nuk ka dalë drejtpërdrejt, Berisha është i izoluar në të gjitha vizitat që bëjnë liderët europianë, nuk e takojnë.
“Berisha ka skenar zhurmën, do të bëj zhurmën, kamikazin. Ky do të bëj një sherr me policinë se nuk e lënë të futet në bulevard.
Për mua Berisha është kamikazi i atëhershëm, si lajmi i orës së Bushit. Ky synon zhurmën që të imponohet se faktori opozitar jam unë.
Ky mendon të përfitojë se nuk ka rrugë tjetër me izolimin që ka. Është i rrethuar nga të gjitha anët.
Halli i Berishës është me ndërkombëtarët, me SHBA, Britaninë e Madhe dhe BE. Hallin e ka me ata, jo me Ramën.
Ky thotë do tërheq vëmendjen e mediave euriopiane, është në rrugën më përfituese personale. Problemi është çfarë efekti ka për shqiptarët…
Në sdo deklaratë edhe kundërshtarë të tjerë thonë se Rama është hajdut. Raportet ndërkombëtare janë më të besueshme, kur sulmojnë qeverinë.
T’u thotë Berisha ndërkombëtarëve se çfarë ka Rama, do t’u thotë se çfarë është shkruar në raport. Çfarë do i thuash 28-30 Kryeministrave të BE që ata e kanë nxirë Ramën më keq se ne.
Nuk shkon logjika se ai do u tregojë atë që e dinë. Ka media që nuk janë dashamirëse në botë. Lajmi do jetë se BE pritet me protesta në Shqipëri.
Pritet samiti me protesta, por e bëjnë komunistët dhe anti-globalistët. Berisha të thotë që jam komunist. Berisha do ta shohin që është në krye të opozitës.
Edhe me 5 veta, po e bëri zhurmën e ka arritur. Tituj ndërkombëtarë do Berisha. Ka media jodashamirëse, rusët, serbët, kinezët, të cilët do e shfrytëzojnë.
Liderët e BE shkuan atje, shqiptarët dolën në protestë. Ky samit i kalon përmasat e Shqipërisë dhe Ballkanit Perëndimor.
Samiti është lajmi, nuk është kur qeni kafshoi njeriun, por njeriu kafshon qenin. Nuk bëhet kot në Tiranë. Ka 10 vjet që vizitat në Shqipëri apo Ballkanin Perëndimor, bëhen në një luftë Lindje-Perëndim.
Ne jemi kufiri i Bashkimit Europian, kufiri i Europës. Për këtë janë këtu, për të thënë se Shqipëria është Perëndim. Nuk ka pasur vizitë më të madhe në Shqipëri se ky samit. Berisha ka hallin e tij dhe për hallin e tij, është në rregull. Problemi është sa fitojnë shqiptarët.
Protesta të tilla bëhen për të pasur incidente. Të dy duan lajmin, edhe po nuk e bëri ky tjetri, do e bëj Rama. Ky thotë do e bëj në bulevard. Ai tjetri ka vendosur perimetër sigurie. Të dyja palët duan incidente se kush do e shkaktojë, do shihet”, tha Çika në MCN.
