“Shumë e dhimbshme”, grushti ndaj Berishës, Çollaku: Të hetojnë ekspertë të huaj

Shqipëria

“Shumë e dhimbshme”, grushti ndaj Berishës, Çollaku: Të hetojnë ekspertë të huaj

Më: 7 dhjetor 2022 Në ora: 20:02
Kreshnik Çollaku

Deputeti i Partisë Demokratike, Kreshnik Çollaku ka dënuar aktin e dhunës ndaj Sali Berishës. Sipas Çollakut duhet një hetim i pavarur, pasi sipas tij ka hije të shumta dyshimi.

Mes të tjerash, deputeti demokrat shton se mund të futet edhe një ekspert ndërkombëtar për të hetuar dhunën ndaj Sali Berishës. Çollaku theksoi se është shumë e vështirë të bëhet një gjest i tillë rastësisht.

“Është një ngjarje shumë e rëndë. Shumë e dhimbshme, ndihem keq. Kur shikon një ish kryeministër në një moshë të tillë të goditet në mënyrë të tillë. I shëmtuar si akt dhe i dhimbshëm. Është edhe një ngjarje që ka çdo të drejtë për të pasur hije dyshimi.” tha Çollaku në “Radarin Informativ”.

“Është një ngjarje që kërkon hetim të plotë dhe një mënyrë të pavarur. Edhe  një ekspert i huaj nuk do të ishte keq për këtë hetim. Opsionet janë logjike se nuk ka informacione.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat