Bledi Çuçi konfirmon Ervin Demon si kandidat të PS për Bashkinë Berat

Shqipëria

Bledi Çuçi konfirmon Ervin Demon si kandidat të PS për Bashkinë Berat

Më: 18 mars 2023 Në ora: 13:38
Bledi Çuçi

Ervin Demo do të rikandidojë për Bashkinë Berat në zgjedhjet e 14 majit. Lajmin e konfirmon ministri i Brendshëm, Bledi Çuçi, njëherazi edhe drejtuesi politik i socialistëve në këtë qark.

“Në Asamblenë e Partisë Socialiste konfirmuam Ervin Demon si kandidati ynë për zgjedhjet e 14 majit. Besimi për një mandat të dytë është rezultat i punëve të mira që janë bërë këto 4 vite në Berat. Ervini është garancia për vazhdimin e projekteve e investimeve që shndërrojnë këtë bashki në një qendër të rëndësishme të turizmit në vendin tonë”, thotë Çuçi.

Më tej ai thekson se ky qytet që është edhe pjesë e UNESCO-s, meriton një vëmendje të posaçme e që kurrsesi ne nuk mund të lihet në duart e atyre “që as nuk dinë e as nuk duan të punojnë për të”.

“PS është e mobilizuar si asnjëherë më parë jo vetëm për të fituar bashkinë, se këtë nuk e dyshojnë as kundërshtarët tanë, por për të siguruar edhe shumicën në Këshillin Bashkiak. Përgëzime Ervinit, socialistëve dhe qytetarëve të Beratit”, shprehet Çuçi.

comment Për komente lëvizni më poshtë
Sot mund të lexoni Shfletoni kopertinat