Një 22-vjeçar është shoqëruar dhe proceduar penalisht pasi sulmoi me grushte infermierin e Spitalit në Berat.
Nga të dhënat paraprake bëhet me dije se shtetasi me inicialet K. Sh. u procedua për “Goditje për shkak të detyrës”.
“Në vijim të veprimeve hetimore dhe një pune të mirë organizuar nga shërbimet e Policisë Berat, u kap dhe u procedua penalisht për veprën penale ‘Goditje për shkak të detyrës’, kryer në bashkëpunim, shtetasi i shpallur në kërkim ditën e djeshme K. Sh., 22-vjeç, pasi në ambientet e Spitalit Rajonal Berat, në bashkëpunim me shtetasin E. N., goditën me grusht infermierin e Spitalit”, thekson Policia e Shtetit.
Materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme.
