U arrestua me urdhër të SPAK për abuzim me tenderat, shkarkohet nga detyra Lefter Alla

Shqipëria

U arrestua me urdhër të SPAK për abuzim me tenderat, shkarkohet nga detyra Lefter Alla

Më: 24 mars 2023 Në ora: 13:43
Foto ilustrim

Lefter Alla është shkarkuar ditën e sotme nga posti i kryetarit të bashkisë së Bulqizës. Vendimi është marrë në mbledhjen e këshillit të ministrave.

Në vendim thuhet se shkarkimi i Allës bëhet për shkak të shkeljeve të rënda ndërkohë që do të hyjë në fuqi menjëherë pas botimit në fletoren zyrtare.

Alla u arrestua pak ditë më parë me urdhër të SPAK, për shkak të abuzimit me tenderat.

Vendimi i plote:

VENDIM PËR SHKARKIMIN NGA DETYRA TË KRYETARIT TË BASHKISË BULQIZË, Z. LEFTER ALLA

Në mbështetje të neneve 100 e 115, pika 1, të Kushtetutës, dhe të shkronjës “a”, të nenit 62, të ligjit nr.139/2015, “Për vetëqeverisjen vendore”, të ndryshuar, me propozimin e ministrit të Brendshëm, Këshilli i Ministrave

V E N D O S I:

Shkarkimin nga detyra, për shkak të shkeljeve të rënda, të kryetarit të Bashkisë Bulqizë, z. Lefter Alla.

Ky vendim hyn në fuqi menjëherë dhe botohet në “Fletoren zyrtare”

commentFirst article
Sot mund të lexoni Shfletoni kopertinat