Basha uron Presidenten e PE: Rizgjedhja, një ogur i mirë për Shqipërinë

Shqipëria

Basha uron Presidenten e PE: Rizgjedhja, një ogur i mirë për Shqipërinë

Më: 16 korrik 2024 Në ora: 22:12
Lulzim Basha

Kreu i Demokratëve Euroatlantikë, Lulzim Basha ka uruar presidenten e Parlamentit Europian, Roberta Metsola.

Basha shkruan se, rizgjedhja e saj është një ogur i mirë për Rajonin dhe Shqipërinë, me shpresën e madhe që me një angazhim të përbashkët t’i bashkohemi familjes evropiane brenda këtij mandati.

“Urime Roberta Metsola për rizgjedhjen e saj si Presidente e Parlamentit Evropian. Shumica dërrmuese e votave që ajo mori është tregues i lidershipit dhe punës së shkëlqyer që ka bërë më parë, si dhe besimit që ajo frymëzon për këtë mandat të ri plot sfida dhe pritshmëri të mëdha”, u shpreh Basha.

“Rizgjedhja e saj është një ogur i mirë për Rajonin dhe Shqipërinë, me shpresën e madhe që me një angazhim të përbashkët t’i bashkohemi familjes evropiane brenda këtij mandati”, theksoi Basha në një postim në platformën X.

comment Për komente lëvizni më poshtë
Sot mund të lexoni Shfletoni kopertinat