Zjarr pranë nënstacionit elektrik në Rrile të Lezhës, rrezikohen banesat

Shqipëria

Zjarr pranë nënstacionit elektrik në Rrile të Lezhës, rrezikohen banesat

Më: 19 mars 2025 Në ora: 17:34
Foto nga vendi i ngjarjes

Një zjarr ka përfshirë një zonë me shkurre pranë nënstacionit elektrik në Rrilë të Lezhës, duke vënë në rrezik edhe banesat për shkak të erës së fortë.

Falë ndërhyrjes së shpejtë të zjarrfikësve, flakët janë vënë nën kontroll, duke parandaluar përhapjen e mëtejshme të zjarrit dhe shmangur dëme të mëdha.

Zjarri u shfaq në rrethana ende të paqarta, ndërsa ngjarja vjen vetëm një natë pas një tjetër vatre zjarri në një stallë në fshatin Barbullush, ku u dogjën shumë bagëti të imta.

Dy raste të njëpasnjëshme të zjarreve në zona të ndryshme kanë ngritur shqetësime për shkaqet dhe rrezikun që mund të paraqesin për banorët dhe pronat e tyre.

Për këtë rast kanë nisur hetimet për të zbuluar nëse bëhet fjalë për zjarrvënie të qëllimshme apo shkaqe natyrore.

comment Për komente lëvizni më poshtë
Sot mund të lexoni Shfletoni kopertinat