Edhe në Gjirokastër, Kryeministri Rama udhëzoi kandidatët e PS në këtë qark që të bindin qytetarët që me 11 maji votohet për anëtarësimin e Shqipërisë në BE.
Demokratëve u kërkoi që kësaj radhe të mos votojnë Sali Berishën, por Edi Ramën sepse sipas tij vetëm PS mund të udhëheqë reformat që kërkon Brukseli.
Duke ironizuar Sali Berishën, Rama mendon që PD mund t’i vijë radha të vijë në pushtet pasi Shqipëria të bëhet një vend anëtar i familjes europiane.
Më herët, në një takim me sipërmarrësit e rinj në Sarandë ua rikujtoi pronarëve të hoteleve marrëveshjen aforfe për deklarimin e netëve të fjetjes.
Kush nuk pranon ofertën e tij do të ketë tatimet në derën e biznesit të tyre. Ndërsa ju kërkonte bizneseve që të investojnë në Shqipëri pasi me anëtarësimin në BE do të dyfishohet vlera e pronave, një nga të pranishmit i kujtoi problemet me ndërprerjen e ujit.
