Zgjedhjet e 11 majit/ KQZ bën përgatitjen e fletëvotimit për votuesit nga jashtë

Shqipëria

Zgjedhjet e 11 majit/ KQZ bën përgatitjen e fletëvotimit për votuesit nga jashtë

Më: 12 prill 2025 Në ora: 20:22
Ilustrim

Komisioni Qendor i Zgjedhjeve ka nisur përgatitja e fletëvotimeve për votuesit nga jashtë. Në një njoftim të përditësuar, KQZ informon se po vijon me intensitet punën për përfundimin e kësaj faze të procesit zgjedhor.

Gjithashtu, KQZ bën me dije se i gjithë ky proces po transmetohet drejtpërdrejtë edhe në kanalin e saj në platformën “Youtube”.

Procesi po kryhet në Parkun Olimpik “Feti Borova”, ku KQZ po përgatit dhe vulos fletët e votimit për zgjedhësit shqiptarë jashtë vendit, për zgjedhjet e 11 Majit 2025.

Punimet zhvillohen në prani të vëzhguesve dhe medias.

KQZ thekson se ky proces po transmetohet drejtpërdrejtë, për të siguruar votuesit që çdo hap i zgjedhjeve të jetë i qartë për të gjithë.

comment Për komente lëvizni më poshtë
Sot mund të lexoni Shfletoni kopertinat